The Hindu

₹760 crore sanctioned for Amaravati Sangamam: State libra...

Andhra Pradesh government accords administrative sanction of rs 760 crore for Amaravati sanghamam comprising library archives auditorium and gigg at Sakhamuru.

13 కారిడార్లు.. ప్రగతిరథ చక్రాలు

By Andhra Pradesh Dist. DeskPublished : 08 Sep 2026 05:58 IST

Ee

Font size

2 min read

సీఆర్డీఏ కీలక అడుగులు
ప్రణాళికలపై దృష్టి

ఈనాడు - అమరావతి: ప్రజా రాజధాని అమరావతిలో బాహ్య.. అంతర వలయ రహదారులు, రైల్వేలైన్‌ మధ్య ఉన్న ప్రాంతాన్ని అభివృద్ధి కారిడార్లుగా తీర్చిదిద్దేందుకు సీఆర్డీఏ కీలక అడుగులు వేస్తోంది. అంతరవలయ రహదారి, రైల్వే లైన్‌ లోపల రాజధాని సరిహద్దు ప్రాంతం వరకు ఉన్న భూములను భూసమీకరణ ద్వారా సేకరించి.. ఐఆర్‌ఆర్‌కు రాజధాని గ్రిడ్‌ రోడ్లను అనుసంధానం చేయనుంది. దీనివల్ల ఆయా ప్రాంతాలకు రవాణా సౌకర్యాలు మెరుగుపడి ప్రగతి పట్టాలెక్కుతుంది.

సీఆర్డీఏ రెండో విడతలో తాడికొండ, తుళ్లూరు, అమరావతి మండలాల్లో భూసమీకరణ ప్రక్రియను వేగవంతం చేసింది. గ్రామసభలు పూర్తి చేసి భూములు సమీకరిస్తోంది. దీంతో ఐఆర్‌ఆర్‌కు రాజధాని ప్రాంతంలో తూర్పు, పడమర, దక్షిణ, ఉత్తర ప్రాంతాలను కలుపుతూ నిర్మిస్తున్న 26 గ్రిడ్‌ రోడ్లు అనుసంధానమవుతాయి. ఫలితంగా ఐఆర్‌ఆర్‌ నుంచి రాజధాని ప్రాంతంలో ఎక్కడి నుంచి ఎక్కడికైనా రాకపోకలు అత్యంత సులభంగా ఉంటాయి.

• తెనాలి, గుడివాడలో లాజిస్టిక్‌ కేంద్రాలు ఏర్పాటుచేస్తారు.

• ఐఆర్‌ఆర్, ఓఆర్‌ఆర్‌ మధ్య సారవంతమైన వ్యవసాయ భూములను రక్షిత ప్రాంతాలుగా గుర్తించి చట్టబద్ధంగా వాటిని పట్టణీకరణ నుంచి కాపాడతారు.

• మురుగు శుద్ధి, నీటిశుద్ధి ప్లాంట్లకు ప్రత్యేకంగా స్థలాలు కేటాయిస్తారు.

• నదులు, ఉప నదులు, కొండలను రక్షిత ప్రాంతాలుగా గుర్తించి ప్రత్యేక జోన్‌లుగా ఏర్పాటు చేస్తారు.

• సాంస్కృతిక, వారసత్వ ప్రదేశాలను స్మారక చిహ్నాలుగా పరిరక్షించేందుకు ప్రణాళికలు రూపొందించారు.

• వీటిపై ప్రభుత్వం నిర్ణయం తీసుకుని ఆమోదించిన తర్వాతే తదుపరి ప్రక్రియ ప్రారంభం కానుంది. 

ఐఆర్‌ఆర్, ఓఆర్‌ఆర్‌ మధ్య ప్రాంతంలో టౌన్‌షిప్‌లు, అభివృద్ధి కారిడార్లు ఏర్పాటు చేస్తారు.

అభివృద్ధి ప్రణాళికలపై శ్రద్ధ...

ఐఆర్‌ఆర్‌కు భూసమీకరణ కొలిక్కి రావడంతో మార్గం వెంట అభివృద్ధి ప్రణాళికలపై సీఆర్డీఏ దృష్టి సారించింది. మాస్టర్‌ ప్లాన్‌లో రూపొందించిన అంశాల ఆధారంగా స్థానిక వనరులను దృష్టిలో ఉంచుకుని రూపొందిస్తోంది. జాతీయ రహదారులతో ఐఆర్‌ఆర్‌ అనుసంధానమయ్యే ప్రాంతాలు కీలకం కానున్నాయి. ఆహారశుద్ధి పరిశ్రమలు, టెక్స్‌టైల్స్, నాన్‌ మెటాలిక్‌ మినరల్స్, ఆటోమొబైల్, రబ్బర్‌ అండ్‌ ప్లాస్టిక్, ఫార్మా ఇండస్ట్రీ, ఎలక్ట్రానిక్స్, ఫ్యాబ్రికేటెడ్‌ మెటల్స్, పర్యాటకం, ఏరోస్పేస్, లాజిస్టిక్స్, ఐటీ, ఆక్వాకల్చర్‌.. ఇలా 13 రంగా అభివృద్ధి కారిడార్లను ఏర్పాటు చేయనున్నారు