Jump to content

జోలె పట్టిన చంద్రబాబు


kurnool NTR

Recommended Posts

తిరుపతి: ‘ఒకే రాష్ట్రం ఒకే రాజధాని; మూడు రాజధానులు వద్దు.. అమరావతే ముద్దు’ అని నినాదాలు చేస్తూ తిరుపతిలో అమరావతి పరిరక్షణ ఐక్య కార్యాచరణ సమితి చేపట్టిన ర్యాలీ ఎన్టీఆర్ కూడలి మీదుగా కొనసాగుతోంది. అమరావతి పరిరక్షణ ఉద్యమం కోసం చంద్రబాబు నిధులు కూడా సమీకరిస్తున్నారు.ఇందులో భాగంగా తిరుపతి నగరంలో జోలెపట్టి నిధులు సేకరిస్తున్నారు. భారీగా ర్యాలీలో పాల్గొన్న ప్రజలు జోలెలో విరాళాలు వేస్తూ అమరావతి రాజధాని రైతుల ఉద్యమానికి సంఘీభావం తెలుపుతున్నారు. తొలుత నగరంలోని పూలే విగ్రహం వద్దకు చేరుకున్న తెదేపా అధినేత చంద్రబాబు నాయుడు ర్యాలీలో పాల్గొన్నారు. ఈ ర్యాలీగా భారీ సంఖ్యలో ప్రజలు తరలివచ్చారు.
 

తొలుత ఫూలే విగ్రహానికి నివాళులర్పించిన అనంతరం ప్రకాశం రోడ్డు, ఎన్టీఆర్ కూడలి.. గాంధీ రోడ్డు.. కృష్ణాపురం ఠానా, నాలుగు కాళ్ల మండపం మీదుగా అక్కడి నుంచి గాంధీ విగ్రహం, అంబేడ్కర్ విగ్రహం వరకు ర్యాలీ చేపట్టాలని నిర్ణయించారు. రెండు రోజుల క్రితమే అనుమతి కోసం దరఖాస్తు చేసినా తిరుపతి అర్బన్ పోలీసులు కాలయాపన చేశారు. దీంతో ర్యాలీ ఉంటుందో లేదో అనే సందిగ్ధత నెలకొంది. చివరకు ఈ సాయంత్రం 4గంటల సమయంలో నాలుగు కాళ్ల మండపం వరకు ర్యాలీ నిర్వహించొద్దని షరతులు విధిస్తూ కృష్ణాపురం ఠానా వరకు ర్యాలీకి పోలీసులు అనుమతి ఇచ్చారు. అయితే, ముందుగా ప్రకటించిన మేరకే ర్యాలీ కొనసాగిస్తామని ఐకాస నేతలు చెబుతున్నారు.

 

Link to comment
Share on other sites

అమరావతి కోసం నా పిగ్గీ బ్యాంక్‌ ఇస్తున్నా!

తిరుపతి: అమరావతి పరిరక్షణ ఉద్యమంలో చిన్న పిల్లలు కూడా ముందుకొచ్చి స్ఫూర్తిగా నిలుస్తున్నారని తెదేపా అధినేత చంద్రబాబు నాయుడు అన్నారు. తిరుపతిలో అమరావతి పరిరక్షణ సమితి ఆధ్వర్యంలో నిర్వహించిన ర్యాలీ ముగిసిన తర్వాత నాలుగు కాళ్ల మండపం వద్ద నిర్వహించిన బహిరంగ సభలో చంద్రబాబు మాట్లాడారు. ఈ సందర్భంగా ఓ చిన్నారి చంద్రబాబు వద్దకు వచ్చి తన పిగ్గీ బ్యాంక్ ను పోరాటానికి విరాళంగా ఇచ్చాడు. ఈ సందర్భంగా ‘‘జై అమరావతి. అమరావతి కోసం నా హుండీ ఇస్తున్నా. రైతుల కోసం ఇస్తున్నాను. జై అమరావతి జై.. జై ఆంధ్రప్రదేశ్ ’’ అంటూ ముద్దు మాటలతో ఆకట్టుకున్నాడు. అనంతరం చంద్రబాబు ఆ బాలుడిని అభినందిస్తూ.. పేరు కూడాచెప్పలేని వయస్సులో జై అమరావతి అని గట్టిగా చెప్పగలిగాడని ప్రశంసించారు. ప్రజలంతా పిడికిలి బిగించి పోరాటానికి సిద్ధం కావాలని.. వీరోచితంగా పోరాడి అమరావతిని కాపాడుకోవాలని విజ్ఞప్తి చేశారు. నిండా మూడేళ్ల వయసు కూడా లేకుండా జై అమరావతి అంటూ తన పిగ్గీ బ్యాంక్ లో బర్త్ డే కోసం దాచుకున్న డబ్బులను అమరావతికి ఇచ్చాడంటే అదీ స్ఫూర్తి.. అందరిలోనూ ఈ స్ఫూర్తి రావాలని చంద్రబాబు అన్నారు.

Link to comment
Share on other sites

Archived

This topic is now archived and is closed to further replies.

  • Recently Browsing   0 members

    • No registered users viewing this page.
×
×
  • Create New...