sonykongara Posted May 5, 2018 Share Posted May 5, 2018 కన్నడ రాజకీయం: బతికుండగానే అమరుడయ్యాడు మంగుళూరు: కర్ణాటక ఎన్నికల్లో విజయం కోసం తీవ్రంగా ప్రయత్నిస్తున్న భాజపాకు షాక్‌ తగిలింది. కాంగ్రెస్‌ హయాంలో తమ నేతలకు రక్షణ లేకుండా పోతోందంటూ ఉడిపికి చెందిన భాజపా ఎంపీ శోభా కరణ్‌ డ్లజే గతేడాది కేంద్ర హోం మంత్రిత్వశాఖకు లేఖ రాశారు. ఇందులో భాగంగా పలువురు భాజపా నేతలు, ఆర్‌ఎస్‌ఎస్‌ ప్రతినిధులు, హిందుత్వ రక్షణకు పాటుపడే వ్యక్తులను ముఖ్యమంత్రి సిద్ధరామయ్య ‘జిహాది’ పేరుతో పొట్టన పెట్టుకుంటున్నారని పేర్కొన్నారు. ఆ సమాచారాన్ని సామాజిక మాధ్యమాల్లోనూ పోస్ట్ చేశారు. ఇందులో భాగంగా 23మంది కార్యకర్తలు చనిపోయారంటూ ఆ లేఖలో పేర్కొన్నారు. అయితే ఆ జాబితాలో ఉన్న అశోక్ పూజారి అనే వ్యక్తి బతికే ఉన్నట్లు వెలుగులోకి రావడం ఇప్పుడు వివాదాస్పదమైంది. మంగళూరుకు చెందిన అశోక్ పెళ్లిళ్లలో బ్యాండ్‌మేళం వాయిస్తుంటాడు. అప్పుడప్పుడు హిందుత్వ వాదులతో కలిసి పనిచేస్తుంటారు. ఇందులో భాగంగా ఓ రోజు తను పని నుంచి తిరిగి వస్తుండగా... ఆరుగురు వ్యక్తులు అతడ్ని అడ్డుకుని దాడికి పాల్పడ్డారు. తీవ్రంగా కొట్టారు. అనంతరం ఆసుపత్రిలో చేరిన అశోక్ 15 నెలల పాటు ఐసీయూలోనే ఉన్నాడు. కొద్దిరోజులకు పూర్తిగా కోలుకుని యథావిథిగా పనిచేసుకుంటున్నారు. అయితే అశోక్ చనిపోయారని భావించిన ఎంపీ శోభా కరణ్‌ హోంశాఖకు ఇచ్చిన లేఖలో అతని పేరును ప్రస్తావించారు. 23 మంది జాబితాలో అతడి పేరు మొదటిస్థానంలో ఉండటంతో తీవ్ర దుమారం రేగుతోంది. స్థానికుల సమాచారం ప్రకారం అశోక్ భజరంగ్‌ దళ్‌లో సభ్యుడైనప్పటికీ ఎప్పుడూ అందులో చురుగ్గా పనిచేయలేదు. వివాహాల్లో, ఇతర శుభకార్యాల్లో అతడు డీజే, ఇతర సంగీత కచేరీలను ఏర్పాటు చేసుకుని జీవనం సాగిస్తున్నాడు. దీనిపై అశోక్ మాట్లాడుతూ... నాపై దాడి జరిగిన మాట వాస్తవమే అయినా ఎవరు చేశారనే విషయంపై స్పష్టత లేదు. తీవ్రంగా గాయపడటంతో చనిపోతానేమో అనుకున్నా. దేవుడి దయ వల్ల అలా జరగలేదు. నాపై దాడి జరిగిందని తెలిసి భజరంగ్‌దళ్ కార్యకర్తలెవరూ నన్ను చూడటానికి రాలేదు. కానీ నేను చనిపోయానని వాళ్లు ప్రకటించడాన్ని విని షాక్‌ అయ్యాను. ఈ విషయం బయటికి వచ్చిన తర్వాత శోభా నాకు ఫోన్‌ చేసి పొరపాటు జరగిందని చెప్పారు’ అని తెలిపారు. అయితే ఈ విషయంపై విశ్వ హిందూ పరిషత్ జిల్లా పరిషత్ ఛైర్మన్‌ వివరణ కోరగా ఆయన స్పందించారు. ‘భాజపా ఎప్పుడూ తప్పు చేయదు. ఎటువంటి తప్పుడు సమాచారం అందించదు. ఆ పేర్లు అక్కడున్నాయంటే అది నిజమే అవుతుంది’ అన్నారు. ఆయన సమాధానంతో వివాదం మరింత ముదిరింది. Link to comment Share on other sites More sharing options...
baagunnara Posted May 5, 2018 Share Posted May 5, 2018 http://www.andhrajyothy.com/artical?SID=574489 Link to comment Share on other sites More sharing options...
Recommended Posts
Archived
This topic is now archived and is closed to further replies.